Қырғыз Республикасы Ұлттық қауіпсіздік мемлекеттік комитетінің төрағасы Қамшыбек Ташиев Қырғызстанда өткен Азия іріктеу турнирінің ашылуында сөз сөйледі.

«Қырғыз жерінде Азия өңірінің түкпір-түкпірінен келген спортшыларды қарсы алу біз үшін үлкен мәртебе. Ең мықты жеңіс тілеймін. Бұл спорттық мереке жанкүйерлерге бәсекелестік рух пен ұмытылмас әсер сыйлайтынына сенімдімін», — деді Қамшыбек Тәшиев.

Сондай-ақ, шенеунік Қырғызстанда спортты, оның ішінде спорттық жекпе-жекті дамытуға ерекше көңіл бөлінетінін атап өтті.

«Қырғыз Республикасы Президентінің бастамасымен күрес бойынша әйелдер құрамасы үшін заманауи спорт кешені салынды. Спорттық инфрақұрылым жаңартылып, жаттығуға қолайлы жағдайлар жасалуда. Біздің спортшылар Парижден алтын медаль алып келеді деп үміттенемін, бұл олардың ел Тәуелсіздігі күніне арналған үлкен сыйлығы болады», — деп атап өтті Министрлер Кабинеті Төрағасының орынбасары.

Іріктеу турының қорытындысы бойынша Қырғыз спортшылары Бекзат Алмаз уулу мен Эрназар Ақматалиев Қырғызстанға Париждегі Олимпиада ойындарына лицензия алды.