Бишкекда лицензияли Осиё саралаш турнири бўлиб ўтмоқда

Қирғизистонда Осиё саралаш турнирининг очилишида Қирғизистон Вазирлар Маҳкамаси раҳбарининг ўринбосари-Қирғизистон Республикаси Миллий хавфсизлик Давлат қўмитаси раиси Қамчибек Ташиев сўзга чиқди.

«Бутун Осиё минтақасидан келган спортчиларни Қирғизистон заминига кутиб олиш биз учун катта шарафдир. Кучлиларга ғалаба тилайман. Ишончим комилки, ушбу спорт фестивали мухлисларга рақобат руҳи ва унутилмас таассуротлар бағишлайди», — деди Қамчибек Ташиев.

Расмий, шунингдек, Қирғизистон спортни, шу жумладан жанг санъатини ривожлантиришга алоҳида эътибор қаратаётганини таъкидлади.

«Қирғизистон Республикаси Президенти ташаббуси билан кураш бўйича аёллар терма жамоамиз учун замонавийспорт мажмуаси барпо этилди. Спорт инфратузилмаси янгиланмоқда, машғулотлар учун қулай шароитлар яратилмоқда. Умид қиламанки, спортчиларимиз Париждан олтин медални олиб келишади, бу уларнинг Мустақиллик кунига катта совғаси бўлади», — деди Вазирлар Маҳкамаси раисининг ўринбосари.

Саралаш босқичи якунларига кўра, қирғизистонлик спортчилар Бекзат Алмаз уулу ва Эрназар Акматалиев Париждаги Олимпия ўйинлари учун Қирғизистон лицензиясини қўлга киритди.