Қазақстан Республикасы Премьер-Министрінің орынбасары — Ұлттық экономика министрі Нұрлан Байбазаров пен Батыс Қазақстан облысының әкімі Нариман Төреғалиев бизнес өкілдерімен кездесті, олар кәсіпорындардағы ағымдағы ахуал, келтірілген залалдар туралы айтып, өңірдегі ауқымды су тасқынына байланысты қызықтырған сұрақтарын қойды.

Кәсіпкерлер су тасқынына қарсы күресте көмек көрсетуге дайын екендіктерін атап өтті. Батыс Қазақстан облысының 50-ге жуық кәсіпорны су тасқынына қарсы күресте көмек көрсетіп, бұл үшін арнайы техника мен жұмыс күшін бөлді.

Премьер-Министрдің орынбасары жиналғандарға алғысын білдіріп, мемлекет өз кезегінде бизнеске қажетті қолдау көрсететінін атап өтті.

«Сіздердің көпшілігіңіз өндірістік процестерге ғана емес, шикізатпен қамтамасыз ету, логистика және өткізу мәселелеріне де қатысты күрделі жағдайға тап болғаныңызды түсінеміз. Келтірілген шығындар туралы әрбір мәлімдеме жеке қаралады. Бұл бірінші кезекте шағын және орта бизнеске қатысты», — деді Н. Байбазаров.