Халқаро валюта жамғармасининг (ХВЖ) Россиядан Ижрочи директори Алексей Можиннинг айтишича, доллар ва глобал пул тизими қулаган тақдирда БРИКС га аъзо-давлатлар муқобил валютани таклиф қилишлари мумкин.

A. Можиннинг таъкидлашича, ҳозирги кунда кўплаб нашрлар мавжуд пул тизимининг камчиликларига бағишланган ва шу нуқтаи назардан БРИКС кўпинча альтернативаларнинг потенциал манбаи сифатида тилга олинади. У БРИКС мамлакатлари беш аъзодан иборат валюталар савати – Хитой юани, Ҳинд рупийси, Россия рубли, Бразилия реали ва Жанубий Африка рандаси асосида бухгалтерия бирлигини яратиши мумкин деган фикрни билдирди. Бу таклиф аллақачон муҳокама қилинмоқда.

Доллар ва халқаро валюта тизими ҳақиқий қулаган тақдирда, БРИКС бухгалтерия бирлигини товар ресурслари билан таъминланган тўлиқ валютага айлантириш мумкин, дея қўшимча қилди А.Можин.

Жорий йилнинг апрел ойида Россия Ташқи ишлар вазирлиги БРИКС доирасида рақамли валюталар билан ишлаш учун платформа яратиш имконияти ўрганилмоқда. Ушбу қадамлар иштирокчи мамлакатларнинг халқаро валюта тизимидаги мумкин бўлган ўзгаришлар шароитида ҳамкорлик қилиш ва муқобил вариантларни излаш истагини кўрсатади.