Дүниежүзілік банк Қазақстанда жаңа инфрақұрылымдық жобаларды іске асыруды жоспарлап отыр

Қазақстан Республикасы Сыртқы істер министрінің бірінші орынбасары Қайрат Омаров Дүниежүзілік банктің Қазақстандағы және Түркіменстандағы Тұрақты өкілі Андрей Михневпен кездесті.

Тараптар Дүниежүзілік банктің Қазақстан Республикасындағы қызметінің перспективаларын, сондай-ақ ел экономикасының түрлі секторларында перспективалы инвестициялық жобаларды іске асыруды талқылады.

Қ. Омаров Қазақстан мен Дүниежүзілік банк арасындағы өзара іс-қимылдың оң тарихына тоқталды. Ол сондай-ақ осы халықаралық қаржы ұйымының республиканың әлеуметтік-экономикалық дамуына қосқан ерекше үлесін атап өтті. Министрдің бірінші орынбасары одан әрі жемісті ынтымақтастыққа сенім білдірді

Өз кезегінде Дүниежүзілік банктің өкілі қазіргі уақытта Қазақстанда банктің қолдауымен жалпы сомасы 4 миллиард АҚШ долларынан асатын 10 жоба іске асырылып жатқанын атап өтті. Сонымен қатар, тараптар бірнеше жаңа инфрақұрылымдық жобаларды іске қосуды жоспарлады.