Ўзбекистон Президенти Шавкат Мирзиёевнинг Тожикистонга расмий ташрифи доирасида Душанбе кўргазма марказида Ўзбекистон Республикаси саноат маҳсулотлари кўргазмаси очилди.

Кўргазмада кимё, енгил, тўқимачилик, фармацевтика саноати, шунингдек, машинасозлик, гулчилик, қурилиш ва уй-рўзғор буюмлари маҳсулотларини намойиш этувчи 200 дан ортиқ тадбиркорлар ва Ўзбекистондаги йирик компаниялар вакиллари иштирок этди.

Душанбе кўргазма марказида икки мамлакат ишбилармонлари ўртасида алоқаларни ўрнатиш учун қулай муҳит яратилди.