Финляндия Қозоғистон билан ёғочни қайта ишлаш соҳасида ҳамкорликни ривожлантирмоқда

Савдо-иқтисодий ҳамкорлик бўйича Қозоғистон-Финляндия ҳукуматлараро комиссиясининг 13-йиғилишида Қозоғистон Республикаси Саноат ва қурилиш вазирининг ўринбосари Жаннат Дубирова Қозоғистон ва Финляндия ўртасидаги иқтисодий ҳамкорликни ривожлантириш ҳақида гапирди.

Хусусан, Ж.Дубирова мамлакатларнинг ёғочни қайта ишлаш саноатидаги ҳамкорлигини қайд этди. Ёғочни қайта ишлашга инвестициялар ҳажми 31 фоизга ўсиб, 3,3 миллиард тенгега етди.

Вазир ўринбосари «2027 йилга келиб, ёғочни қайта ишлаш соҳасида 1400 иш ўринлик 32,5 миллиард тенге миқдорида 11 та  янги ишлаб чиқаришни йўлга қўйиш режалаштирилган» лигини таъкидлади.

Қозоғистон янги инвестиция лойиҳаларини бошлаш, шунингдек, мавжудларини қўллаб-қувватлаш учун бир қатор афзалликлар, имтиёзлар ва преференцияларни таклиф этади. Республика Саноат ва қурилиш вазирлиги хом ашёдан самарали фойдаланган ҳолда ёғочни қайта ишлаш саноатини ривожлантиришни рағбатлантиради.