«Ўзбекистон: саҳродаги авангард» кўргазма лойиҳаси Европа жамоатчилигига Тошкент ва Нукус музейлари коллекцияларидан рус ва «ориентал» авангард асарлари билан танишиш имконини беради.

Тошкент ва Нукус музейларининг Европадаги бадиий тўпламлари тақдимоти ташаббускори Ўзбекистон Маданияти ва санъатини ривожлантириш жамғармаси бўлди. Кўргазма Ка’Фоскари университети қошидаги рус санъатини ўрганиш марказидан Сильвия Бурини ва Жузеппе Барбьери томонидан бошқарилди, лойиҳада санъатшунос Зелфира Трегулова (Давлат Третяков галереясининг собиқ директори) фаол иштирок этди.

«Ўзбекистон: саҳродаги авангард» лойиҳаси нафақат халқаро санъат саҳнасидаги ноёб воқеа, балки Ўзбекистон ва Россия санъатининг аҳамияти ва уларнинг жаҳон бадиий маданияти билан алоқаларидан далолат беради.