Греция ва Молдова Ўзбекистон билан қишлоқ хўжалиги соҳасидаги ҳамкорликни ривожлантиришдан манфаатдор

Ўзбекистон Қишлоқ хўжалиги вазири Иброҳим Абдураҳмонов Европага сафари давомида ҳамкасблари билан бир қатор учрашувлар ўтказди. Хусусан, икки томонлама ҳамкорликни мустаҳкамлаш мақсадида Греция Қишлоқ хўжалиги вазири Элефтериос Авгенакис билан учрашув бўлиб ўтди.

Томонлар Ўзбекистон ва Греция ўртасидаги қишлоқ хўжалиги соҳасидаги ҳамкорликни янги босқичга олиб чиқиш ва бу борада янги қўшма қадамлар қўйиш зарурлигини таъкидладилар.

Греция Қишлоқ хўжалиги вазири, айниқса, вазир И. Абдурахмоновнинг Халқаро узумчилик ва виночилик ва вино ташкилоти (OIV) йиғилишидаги нутқидан сўнг, Ўзбекистон юнонлар учун катта қизиқиш уйғотаётганини таъкидлади.

Греция Қишлоқ хўжалиги вазири икки томонлама ҳамкорликни мустаҳкамлаш учун ишчи гуруҳ тузишни таклиф қилди. Томонлар икки мамлакат қишлоқ хўжалигида узумчилик, боғдорчилик ва пахта етиштириш соҳасидаги ҳамкорликнинг узоқ муддатли режаларини белгилаб олдилар.

Шундан сўнг Иброҳим Абдурахмонов Молдова Республикаси Қишлоқ хўжалиги ва озиқ-овқат саноати вазири Владимир Болей билан учрашди.

Учрашувда В. Болей Молдова Ўзбекистон билан қишлоқ хўжалиги соҳасида тажриба алмашиш, хусусан, ўзбекистонлик ва молдовалик олимлар ўртасида тажриба алмашиш борасида ҳамкорлик қилиш ниятида эканини таъкидлади.

Бундан ташқари, маккажўхори етиштириш, чорвачилик ва наслчилик соҳасидаги ҳамкорлик масалалари муҳокама қилинди. Ўзбекистонга наслли қорамол зотларини олиб кириш бўйича келишувга эришилди.