ШКУнун катчылыгында ШКУга мүчө мамлекеттердин Улуттук координаторлор кеңешинин жыйыны өттү. Тараптар ШКУга мүчө-мамлекеттердин мамлекет башчыларынын кеңешинин жана Тышкы иштер министрлер кеңешинин Астанада боло турган жыйындарына даярдыктын жүрүшүн жана уюмдун 2024-жылга карата негизги иш планына ылайык уюмдун ишмердүүлүгүнүн маселелерин талкуулашты.
Атап айтканда, ШКУга мүчө мамлекеттердин башчыларынын кароосуна коюла турган документтердин долбоорлору, анын ичинде Астана декларациясы, “Адилеттүү тынчтык жана гармония үчүн дүйнөлүк биримдик жөнүндө” ШКУнун демилгеси жана бир катар стратегиялык документтер каралды.
«ШКУга мүчө-мамлекеттердин башчыларынын Кеңешинин Астанада боло турган жыйыны дагы бир жолу Уюмдун биримдигин, ШКУну өркүндөтүү боюнча олуттуу, масштабдуу жана узак мөөнөттүү иш үчүн жалпы рухту, натыйжалуу механизмдерди түзүүнүн жаңы чакырыктар жана коркунучтар жаатындагы өз ара аракеттенүүнү көрсөтөт. Саммитке калган күндөрдө биз баарыбыз Астанадагы бул тарыхый жолугушуу жогорку мазмундук жана уюштуруучулук деңгээлде өтүшү үчүн, анын жыйынтыктары ШКУнун жалпы тарыхында жаңы баракты ачып, өз ара пайдалуу көп тараптуу өз ара аракеттенүүнүн форматын жогорку деңгээлге көтөрүү», — деп белгиледи Казакстандын Улуттук координатору Мурат Мукушев.
Сүрөт: КМШнын интернет порталы