Казакстандын 2024-2030-жылдарында сууну өнүктүрүүнүн Комплекстүү планы селге каршы чаралар менен толукталат

Акыркы окуяларга байланыштуу Казакстандын 2024-2030-жылдарга суу ресурстарын өнүктүрүүнүн комплекстүү планы суу ташкындарына каршы туруу жана анын кесепеттерин жоюу боюнча иш-чаралар менен толукталат.

«Февраль айында 2024-2030-жылдарга суу ресурстарын башкаруу системасын өнүктүрүү Концепциясы бекитилген, жана аны ишке ашыруунун комплекстүү планы бар. Эриген сууну айыл чарбасында пайдалануунун планын иштеп чыгуу зарыл. Суу каптоо мезгили аяктагандан кийин бардык суу сактагычтар 100 пайызга чейин толушу керек, бирок сууну чогултуу суу чарба курулуштарына зыян келтирбестен жүргүзүлүшү керек”, — деп белгиледи Казакстан Республикасынын Суу чарба жана ирригация министри Нуржан Нуржигитов.

Н.Нуржигитов ошондой эле суу ташкыны маалында эле эмес, аймактардын бийлиги менен дагы активдүү иштешүүгө чакырды. Министр кошумчалагандай, айрым суу сактагычтар акимчиликтердин балансында турат, андыктан суу чарба структуралары менен  биргелешип оңдоо планын иштеп чыгуу зарыл.