2024 жылғы 11 шілдеде Тәжікстан Республикасының экономикалық даму және сауда министрлігінде ұлттық экологиялық, әлеуметтік стандарттарды әзірлеу және корпоративтік басқару (ESG) жөніндегі ведомствоаралық жұмыс тобының отырысы өтті.

Іс-шараға түрлі ведомстволардың өкілдері мен халықаралық қаржы корпорациясының (ХҚК) сарапшылары қатысты.

Отырыс барысында Тәжікстан Республикасы Үкіметінің «ТәжікстанРеспубликасындағы ұлттық экологиялық, әлеуметтік стандарттар және корпоративтік басқару туралы»қаулысының жобасы қаралды. Қолданыстағы халықаралық ESG стандарттары және оларды енгізудегі басқа елдердің тәжірибесі зерттелді.

Сондай-ақ, Тәжікстанда қоғамдық маңызы зор ұйымдардың ұлттық экологиялық, әлеуметтік және корпоративтік стандарттарды (ESG) сақтауы, министрліктер мен ведомстволар, сондай-ақ мемлекеттік биліктің жергілікті атқарушы органдары тарапынан ақпараттық-әдістемелік көмек көрсету талқыланды.

Тәжікстан Республикасындағы ұлттық экологиялық, әлеуметтік стандарттар және корпоративтік басқару (ESG) жобасы экономикалық даму және сауда министрлігімен бірлесіп халықаралық сарапшыларды тарта отырып, Тәжікстан Республикасындағы Халықаралық қаржы корпорациясының өкілдігінің қолдауымен құрылды.

ХҚК өкілі мен сарапшылар Тәжікстанда жұмыс істейтін және ESG стандарттарын қолданатын ұйымдар мен кәсіпорындар үшін тренингтер өткізуге жәрдемдесетінін атап өтті.

Мемлекеттік ведомстволардың өкілдері ESG жобасын уақтылы деп тауып, ынтымақтастыққа дайын екендіктерін білдірді.

Фото: Тәжікстан Республикасының экономикалық даму және сауда министрлігі