Министрлер Кабинетінің төрағасы — Қырғыз Республикасы Президенті Әкімшілігінің басшысы Ақылбек Жапаров Қырғыз Республикасы цифрлық даму министрлігі жанындағы Мемлекеттік деректерді өңдеу орталығының қызметімен танысты.

Орталық аумағында серверлік үй-жайдың құрылыс-монтаждау жұмыстары, сондай-ақ инфрақұрылымдық инженерлік жабдықтарды жеткізу аяқталуда.

Цифрлық даму министрі Нұрия Кутнаева бұл орталық елдің цифрлық трансформациясын іске қосу үшін толыққанды экожүйені құруға, бірыңғай саясат есебінен сенімділік пен ақпараттық қауіпсіздік талаптарына сәйкестікті қамтамасыз ете отырып, орталықтандырылған инфрақұрылымға көшуге мүмкіндік беретінін атап өтті.

Бұдан басқа, осы жобаны іске асыру жабдықтар мен жүйелерді сүйемелдеу жөніндегі мемлекеттік органдардың бейінді емес қызметін болдырмау үшін қолда бар қаражатты неғұрлым тиімді пайдалануға мүмкіндік береді. Бұған қоса, мемлекеттік органдар мен ведомстволардың ақпараттық жүйелерін құруға, жаңғыртуға, пайдалануға, қолдауға бюджеттік қаржыландыру айтарлықтай қысқарады және жаңа АТ-жүйелер мен шешімдерді енгізуді жеделдетеді, сондай-ақ ,ел бюджетін оңтайландырады.

Сонымен қатар, Ақылбек Жапаров Бішкек қалалық мемлекеттік мұрағатында болып, қазіргі уақытта республикалық бюджет есебінен жаңа ғимарат салынып жатыр.

Министрлік басшысы аталған нысандарды аралау қорытындысы бойынша цифрлық даму министрлігіне мұрағат деректерін цифрландыру және мұрағат қызметі қызметкерлерінің еңбекақы мөлшерін арттыру мәселелерін пысықтау бойынша бірқатар тапсырмалар берді.

Фото: Қырғыз Республикасы Министрлер Кабинетінің ресми сайты