2024 жылғы 11-12 шілдеде Шолпан Ата қаласында Тәуелсіз Мемлекеттер Достастығына (ТМД) қатысушы мемлекеттердің туризм жөніндегі кеңесінің отырысы өтті, ол 1994 жылғы 9 қыркүйекте жасалған туризм саласындағы ынтымақтастық туралы Келісімге қатысушы мемлекеттердің туризм жөніндегі Кеңесінің құқықтық мирасқоры болып табылады.

Қырғыз Республикасы Экономика және коммерция министрлігінің ақпараты бойынша Кеңестің негізгі мақсаттарына халықаралық туристік байланыстарды дамыту үшін қолайлы жағдайлар жасау, экономикалық қатынастарды дамыту және нығайту, сондай-ақ туризм жөніндегі үкіметтік органдар мен түрлі туристік ұйымдар арасындағы ынтымақтастықты дамыту кіреді.

Іс-шараға Қырғыз Республикасының, Беларусь Республикасының, Ресей Федерациясының, Қазақстан Республикасының, Тәжікстан Республикасының, Армения Республикасының (онлайн), Өзбекстан Республикасының, сондай-ақ ТМД Іскерлік кеңесінің және ТМД Туризм кеңесі хатшылығының өкілдері қатысты.

Фото: Қырғыз Республикасының Экономика және Коммерция министрлігі