Өзбекстан президенті Шавкат Мирзиеевке бюджет қаражатының жұмсалуына қаржылық бақылауды күшейту жөніндегі ұсыныстармен таныстырылды.

Бұған дейін, 2024 жылғы 16 қаңтарда экономикадағы басым міндеттер бойынша бейнеселекторлық кеңес барысында Президент бюджет шығыстарының тиімділігі мәселесіне жеке тоқталып, қаржылық бақылауды күшейту жөнінде тапсырма берген болатын.

Өзбекстанда бұл функцияны Республиканың Есеп палатасы орындайды. Бүгінде сыртқы аудитпен бюджет пен нысаналы қорлардың шығыстары ғана қамтылған, бұл жалпы шығыстардың 86% жабады. Есеп палатасы шоғырландырылған бюджеттің атқарылуына сыртқы аудит жүргізуді ұсынды. Бұл бюджеттен тыс қорлардың шығындарын жабуға мүмкіндік береді.

Өзбекстан президентінің баспасөз қызметінің ақпараты бойынша, Есеп палатасының қызметіне мемлекеттік бағдарламаларда ұлттық мақсаттар мен міндеттерге қол жеткізу кезіндегі ықтимал тәуекелдерді бағалауға бағытталған стратегиялық аудит, сондай-ақ мемлекеттік ұйымдарда бағдарламалық қамтамасыз етудің тиімділігі бойынша ақпараттық технологиялар аудиті практикасын енгізу жоспарлануда.

Өзбекстанда барлығы 30 мыңға жуық бюджеттік ұйымдар мен мемлекеттік кәсіпорындар жұмыс істейді, олардың қызметін жергілікті жерлерде зерттеу көп уақыт пен қаражатты қажет етеді. Осыған байланысты Есеп палатасында қашықтан басқару орталығы іске қосылды.

Фото: Өзбекстан Республикасы Президентінің баспасөз қызметі