Ферғана облысына сапары аясында Өзбекстан президенті Шавкат Мирзияев жаңа өнеркәсіптік нысандардың құрылысын іске қосу рәсіміне қатысты.

Өз сөзінде ол соңғы бес жылда Ферғана қаласында өнеркәсіп көлемі 1,3 есеге, ал экспорт 2 есеге артып, 722 млн долларға жеткенін атап өтті.

Жыл сайын инвестициялар да өсуде. 2023 жылы 1,3 миллиард доллар инвестициялық қаражат тартылды, ал шетелдік капиталды қамтитын кәсіпорындар саны 470-ке жетті.

Бұдан басқа, жалпы сомасы 6 млрд долларға 110 жоба және 1,1 млрд долларға 22 жергілікті жоба іске асырылуда.

«Бұрын облыста тіпті алты жобаны жүзеге асыру қиынға соқты. Бүгін біз 6 миллиард долларлық жобалар туралы айтып отырмыз. Неліктен? Біз өстік, дамыдық, инвесторларды сендірдік, жағдай жасадық. Біз бұл жұмысты жалғастырамыз», — деді Шавкат Мирзиеев.

«Қоқанд» еркін экономикалық аймағында 370 млн доллар сомасына жүзге жуық жоба іске асырылды, 9 мың жаңа жұмыс орны құрылды. 2024 жылдың бірінші жартыжылдығында 1,5 трлн сомға өнім өндіріліп, 60 млн долларға экспортталды.

Аталған өнеркәсіптік аймақты Кувасай қаласы бойынша 210 гектарға кеңейту жоспарлануда. Онда 1 млрд доллар сомасына 185 жоба іске асырылып, 12 мың жұмыс орны ашылады деп күтілуде. Сонымен қатар, Қоқан қаласында ауданы 230 гектар болатын өзбек-қытай арнайы өнеркәсіптік аймағы құрылатын болады.

Фото: Өзбекстан Республикасы Президентінің баспасөз қызметі