АСТАНА, 10 қыркүйек – «Караван Инфо» АА.Алматы 30 қыркүйекте Орталық стадионда өтетін Чемпиондар лигасы аясындағы «Қайрат» пен «Реал» кездесуіне қызу дайындық үстінде. Шараға қызығушылықтың жоғары болуына байланысты 2500-ден астам полиция қызметкері мен Ұлттық ұланның 300-ге жуық қызметкері заңдылық пен тәртіпті қамтамасыз етуге жұмылдырылады.

Алматы қалалық жергілікті полиция басқармасының бастығы Серік Шумаевтың айтуынша, құқық қорғау органдарының міндетіне қоғамдық тәртіпті сақтау, ойыншылар мен жанкүйерлердің қауіпсіздігін қамтамасыз ету, стадион маңындағы көлік қозғалысын реттеу кіреді. Кептелістің алдын алу үшін көлік қозғалысына мақсатты шектеулер енгізіліп, тұрғындардан өз бағыттарын алдын ала жоспарлауды сұрайды.

Сонымен қатар, полиция алаяқтық әрекеттер туралы ескертті: билеттер ресми түрде сатылмаса да, онлайн сатылымға шықты. Алматылықтар мен қала қонақтарын қауіп-қатерден аулақ болып, билеттерді тек сенімді көздер арқылы сатып алуға шақырады.

Құқық қорғау органдары спорттық шараның қауіпсіздігі полиция мен жанкүйерлердің бірлескен күш-жігеріне байланысты екенін баса айтты.

Фото: Алматы қалалық полиция басқармасы