Алматыда Satbayev University-дің 90 жылдығына және көрнекті ғалым Қаныш Сәтбаевтың туғанына 125 жыл толуына арналған Халықаралық ғылыми форумның ашылуы өтті. Іс-шараға 22 елден 200 ұйым мен жоғары оқу орындарының өкілдері қатысты.

Форумға қатысушылар төртінші өнеркәсіптік революция жағдайында ғылым мен білім беруді дамытудың өзекті мәселелерін талқылайды. Форум аясында заманауи зерттеу орталықтары мен зертханалар ашылып, жетекші ғалымдар мен сарапшылардың қатысуымен панельдік сессиялар өтеді.

Satbayev University маңызды жетістіктерді атап өтеді. Жоғары оқу орны беделді QS Stars халықаралық марапатына ие болып, Азиядағы топ-100 университеттің қатарына енді.

Фото: Алматы қаласының әкімдігі