Алматыда ҚР ҚМ бітімгершілік операциялар орталығының базасында жарылыс қаупі бар заттарды залалсыздандыру жөніндегі операцияларды медициналық қамтамасыз ету саласында Орталық Азия елдерінің Әскери-медициналық персоналының біліктілігін арттыруға бағытталған өңірлік курс басталды.
Еуропадағы Қауіпсіздік және ынтымақтастық ұйымының Душанбедегі бағдарламалар кеңсесі ҚР ҚМ Қару-жарақты бақылау және инспекцияларды қамтамасыз ету орталығымен бірлесіп ұйымдастырған курс төтенше жағдайларда алғашқы медициналық көмек көрсету үшін қажетті теориялық білімді де, практикалық дағдыларды да қамтиды. Минадан тазарту операцияларына тән стандартты емес жағдайларда іс-әрекеттерді пысықтауға ерекше назар аударылады.
Курс бағдарламасы халықаралық стандарттарды ескере отырып әзірленген және нақты жағдайларға барынша жақын. Курсқа қатысушылар теориялық аспектілерді оқып қана қоймай, ҚР ҚМ Әскери медицина орталығының базасында практикалық дағдыларды пысықтайды.
Бұл курс Орталық Азия елдері арасындағы ынтымақтастықты нығайтуға ықпал ете отырып, өңірдегі әскери қызметшілердің қауіпсіздігі мен жедел дайындығын арттырудағы маңызды қадам болып табылады.
Фото: ҚР ҚМ