Астана, 2026 жылғы 26 наурыз – Karavan Info ақпараттық агенттігі. Қарағандыда Қорғаныс министрінің атынан Қазыбек би ауданының қорғаныс бөлімінің бастығы полковник Қайрат Таттекенов Екінші дүниежүзілік соғыс ардагері Александр Ильич Балабасты 100 жасқа толуымен құттықтады. Ардагерге құттықтау сөзі табыс етілді.

«Сіздің өмір жолыңыз – төзімділіктің, еңбекқорлықтың және еліңізге берілгендіктің үлгісі. Сіздің тағдырыңыз – есте сақтау және болашақ ұрпаққа жеткізу маңызды ұлы тарихтың бір бөлігі», – деп атап өтті полковник.

Александр Балабас 1926 жылы дүниеге келген. 1943 жылы Қызыл Армия қатарына шақырылды. 1944 жылы оқудан өткеннен кейін маршал Константин Рокоссовскийдің басшылығымен 2-ші Беларусь майданының 1-ші Брест дивизиясының 415-ші атқыштар полкіне жіберілді. Ерлігі үшін ол Қызыл Жұлдыз, 1-ші дәрежелі Отан соғысы ордендерімен және медальдармен марапатталды.

Соғыстан кейін ол Қарағандыда №1 құрылыс басқармасында жүргізуші, бухгалтер және экономист болып жұмыс істеді, сондай-ақ «Карагандауглесбыт» бөлімінде жоспарлау бөлімін басқарды. 1991 жылы зейнетке шықты. Ардагердің үш баласы, төрт немересі және бес шөбересі бар.

Фото : Қазақстан Республикасы Қорғаныс министрлігі