Әл-Фараби атындағы Қазақ ұлттық университеті Қарабақ университеті және Баку славян университетімен (Әзірбайжан) ынтымақтастық туралы меморандумдарға қол қойды. Құжаттарға ҚазҰУ-да өткен «Әзірбайжанда оқу» халықаралық білім беру көрмесі барысында ресми түрде қол қойылды.  

Бұл келісімдер білім беру және ғылым саласындағы байланыстарды нығайтуға, академиялық мобильділікті дамытуға және студенттер мен оқытушылар арасындағы тәжірибе алмасуды кеңейтуге бағытталған.

Меморандумдар аясында тараптар бірлескен білім беру бағдарламаларын жүзеге асыруды, бірлескен ғылыми жобаларды жүргізуді және халықаралық конференциялар мен симпозиумдар ұйымдастыруды жоспарлап отыр. Серіктестік екі елдің ғалымдары мен зерттеушілері үшін жаңа мүмкіндіктер ашады. Атап айтқанда, ҚазҰУ зерттеушілері Әзірбайжан университеттерінде ғылыми тағылымдамадан өте алады, ал олардың әзірбайжандық әріптестері ҚазҰУ-дың заманауи зертханалары мен зерттеу орталықтарының әлеуетін тиімді пайдалану мүмкіндігіне ие болады.

Дереккөз: Әл-Фараби атындағы Қазақ ұлттық университетінің баспасөз қызметі