Астана, 2025 жылғы 10 шілде – «Караван Инфо» ақпараттық агенттігі.Астанадағы ЭКСПО халықаралық көрме орталығында Орталық Азиядағы электроника, электротехника және цифрлық технологиялар саласындағы негізгі салалық оқиға — Electronica Expo Kazakhstan 2025 ашылды. Шара 9-11 шілде аралығында ҚР Индустрия және құрылыс министрлігінің қолдауымен өтуде.

Көрме 10 елден 150-ден астам компанияны жинап, өнімдердің кең спектрін ұсынады: электронды компоненттер мен модульдерден бастап, дайын цифрлық шешімдерге, интерактивті жүйелер мен бейнебақылау жабдықтарына дейін. Бизнес-бағдарлама аясында 35-тен астам спикер саланы дамытудың өзекті бағыттары бойынша баяндама жасайды.

Сондай-ақ шеберлік сабақтары, жасанды интеллект бойынша панельдік сессиялар, энергия тиімділігін арттыру бойынша дөңгелек үстелдер, дрондармен футбол турнирі, робототехника жарыстары және басқа да арнайы іс-шаралар жоспарланған.

Ашылу салтанатына өнеркәсіп комитетінің Электротехника және ауыр машина жасау бөлімінің басшысы Төреәділ Әбдірахманов қатысты. Ол өз сөзінде саланың ел экономикасы үшін маңыздылығына тоқталды.

"Бүгінде машина жасау Қазақстан экономикасының негізгі салаларының бірі болып табылады. Елімізде 4 мыңнан астам кәсіпорын жұмыс істейді, олардың көпшілігі шағын және орта бизнес. 2024 жылы машина жасау өнімінің көлемі 4,6 триллион теңгеден асып, 7,5%-ға өсті. Электротехника өндірісі ерекше маңызға ие. Тек осы жылдың алғашқы бес айында өндіріс көлемі 2022 пайызға өсті. 167 млрд теңге».

Фото:Қазақстан Республикасы Индустрия және құрылыс министрлігі