Астана, 2025 жылғы 12 қыркүйек – «Караван Инфо» ақпараттық агенттігі.Астанада «Контрафактілік тауарларды анықтаудың халықаралық практикалық тәжірибесі» атты халықаралық семинар өтті. Шараны ҚР Әділет министрлігінің Зияткерлік меншік құқығы комитеті React халықаралық қауымдастығымен бірлесіп ұйымдастырды.

Мемлекеттік органдардың, халықаралық ұйымдардың және Sony, Lenovo, Huawei сияқты компаниялардың өкілдері қатысқан семинарда құқық бұзушылықтарды анықтау мен алдын алудың практикалық құралдары, сондай-ақ халықаралық тәжірибе талқыланды.

Зияткерлік меншік құқығы комитеті төрағасының орынбасары Марина Сиротина контрафактілікпен күрес мемлекеттің басым бағыттарының бірі екенін атап өтті. Сондай-ақ ол соңғы жылдары заңнаманы жетілдіру және цифрлық шешімдерді енгізу бойынша айтарлықтай жұмыстар атқарылғанын атап өтті.

Фото:Қазақстан Республикасы Әділет министрлігі