Астана, 2026 жылғы 3 наурыз – Karavan Info ақпараттық агенттігі . Қазақстанның Ұлттық академиялық кітапханасында ТҮРКСОЙ халықаралық ұйымының Бас хатшысы, жазушы Сұлтан Раевтың қатысуымен дәріс өтті. Кездесуге зиялы қауым өкілдері, жазушылар, ғалымдар, оқытушылар, студенттер, мәдениет және білім беру саласының мамандары қатысты.

Қатысушылар түркі халықтарының ортақ әдеби мұрасын насихаттау және бірлескен жобаларды жүзеге асыру мәселелерін талқылады. Сондай-ақ, мәдени-гуманитарлық байланыстарды дамыту және ортақ рухани құндылықтарды жүйелі түрде насихаттау үшін одан әрі ынтымақтастықтың перспективаларын қарастырды.

Іс-шара аясында «Türkï älemï: Ортақ тамыр, ортақ мұра» («Түрік әлемі: Ортақ тамыр, ортақ мұра») атты көрме ұйымдастырылды. Көрмеде түркі халықтарының әдебиеті, тарихы және рухани сабақтастығына арналған басылымдар ұсынылды.

Фото : Қазақстан Республикасы Мәдениет және ақпарат министрлігі