Астана, 2026 жылғы 19 ақпан – Karavan Info ақпараттық агенттігі . Астанада 9-13 жас аралығындағы оқушыларға арналған Түркі әлемінің балалар ойындарының халықаралық фестивалі өтуде. Іс-шараны Қазақстан Білім министрлігі мен Түркия Білім министрлігі ұйымдастырып отыр.

Фестиваль түркі мемлекеттері арасындағы мәдени ынтымақтастықты нығайтуға, дәстүрлі балалар ойындарын сақтауға және оларды болашақ ұрпақтар арасында насихаттауға бағытталған. Негізгі мақсаттары — ойындарды жүйелеу, ортақ мұрағат құру және білім беру процесіндегі ойындардың педагогикалық рөлін арттыру.

Фестиваль аясында еліміздің 20 аймағынан келген мұғалімдерге арналған халықаралық оқыту семинары өтеді. Қатысушылар түркі халықтарының дәстүрлі ойындарымен танысып, оларды білім беру тәжірибесіне енгізу жолдарын талқылайды. Бағдарламаға асық ату, таяқ тарту, ләңгі тебу, орамал тастау, сақина салу, ханталапай, тымақ үру, бес асық және басқа да ойындар кіреді.

Семинардан кейін түрік делегациясы төрт қазақ ұлттық ойынын таңдайды. Олар 2026 жылдың сәуір айында Стамбұлда таныстырылады.

Фото : Қазақстан Республикасы Білім министрлігі