Қазақстан Президентінің Өзбекстанға жұмыс сапары Бұхарадағы Бахауддин Накшбанди кесенесіне барудан басталды.

Мемлекет басшылары медреседен, екі мешіттен және мұнарадан тұратын мемориалдық кешенді аралап көрді. Президенттердің қатысуымен Құран аяттары оқылып, екі бауырлас халық арасындағы бейбітшілік пен гүлдену үшін дұға етілді. Қасым-Жомарт Тоқаев пен Шавкат Мирзиёев мемориалдық кешенге келушілермен жылы әңгімелесіп, суретке түсті.

Нақшбанди сопылық ағымының негізін салушы Бахауддин Нақшбанди жерленген кесене 16 ғасырда салынған.

Ескерткіште 19 ғасырдағы қолжазба Құран, түпнұсқа тарихи құжаттар, кітаптар және басқа да құнды артефактілер сақталған мұражай орналасқан.

Дереккөз: ХАБАР Ақпарат агенттігі