Қазақстан Елшісі Азамат Әбдірайымов Финляндияның Президент сарайында өткен ресми рәсімде Финляндия президенті Александр Стуббқа сенім грамоталарын табыс етті.

Екі тарап елдер арасындағы саяси диалогтың жоғары деңгейін, сауда-экономикалық ынтымақтастықтағы оң динамиканы және мәдени-гуманитарлық байланыстардың нығаюын атап өтті. Әңгімелесу барысында көлік-логистика саласын, су ресурстарын басқаруды, орман шаруашылығын және технологиялар трансферін қоса алғанда, екіжақты өзара іс-қимылды одан әрі тереңдету және кеңейту перспективалары қарастырылды.

Азамат Әбдірайымов Финляндияның Қазақстанның солтүстік Еуропадағы негізгі серіктесі ретіндегі маңыздылығын атап өтіп, барлық бағыттар бойынша белсенді ынтымақтастыққа дайындығын растады. Финляндия Президенті елшіні дипломатиялық миссиясының басталуымен құттықтап, қазақ-фин қатынастарын нығайтуда табыс тіледі.

Фото: ҚР СІМ