Астана, 20 қаңтар 2026 жыл – Karavan Info ақпараттық агенттігі. Қазақстан ЮНЕСКО әдіснамасын қолдана отырып, жасанды интеллектті пайдалануға ұлттық дайындықты бағалау жобасын іске қосты. Бұл туралы ҚР Сыртқы істер министрлігі хабарлады.

Жоба Цифрландыру және жасанды интеллект жылы аясында іске қосылды. Ол елдегі жасанды интеллекттің құқықтық, экономикалық, ғылыми және технологиялық экожүйесін кешенді талдауды қамтиды.

Жобаны жүзеге асыру үшін негізгі министрліктердің, ғылымның, бизнестің және азаматтық қоғамның өкілдерін біріктіретін Ұлттық жұмыс тобы құрылды. Зерттеу нәтижелері адамға бағытталған жасанды интеллект экожүйесін дамыту бойынша ұсыныстарды негіздейді.

Фото : Қазақстан Республикасы Сыртқы істер министрлігі