Астана, 17 шілде 2025 жыл – Караван Инфо ақпараттық агенттігі.Қазақстан Республикасының Экология және табиғи ресурстар министрі Е.Нысанбаев БҰҰ-ның Қазақстандағы жаңа тұрақты үйлестірушісі Саранго Раднарагчамен кездесті.

Кездесу барысында тараптар қоршаған ортаны қорғау, климаттық күн тәртібі және тұрақты даму мәселелеріне назар аудара отырып, ынтымақтастықтың негізгі бағыттарын талқылады. Біріккен Ұлттар Ұйымымен серіктестікте 2026 жылға жоспарланған Орталық Азия өңірлік экологиялық саммитіне дайындыққа ерекше назар аударылды.

Е.Нысанбаев Раднарагчаны ресми қызметке кірісуімен құттықтап, тығыз ынтымақтастыққа дайын екенін және БҰҰ-мен әріптестікті нығайтудың маңыздылығын атап өтті.

Фото: Қазақстан Республикасы Экология және табиғи ресурстар министрлігі