Қазақстанның өнеркәсіп және құрылыс министрі Қанат Шарлапаев молибден мен ренийді қайта өңдеу саласындағы әлемдік көшбасшы Мolymet Чили компаниясының басшылығымен кездесу өткізді. Тараптар Қазақстандағы молибденнің елеулі қорлары мен Molymet озық технологияларын ескере отырып, осы саладағы ынтымақтастықтың перспективаларын талқылады.
Қазақстандық тарап отандық өнеркәсіпті дамыту үшін molymet инвестицияларын тартуға қызығушылық білдірді. Өнеркәсіп және геология комитеттерінің өкілдері табиғи ресурстарды пайдалану тиімділігін арттыру және жаңа жұмыс орындарын құру үшін бірлескен жобалардың маңыздылығын атап өтті.
Өз кезегінде Мolymet басшылығы ынтымақтастыққа дайын екенін көрсетті. Компания Қазақстанды перспективалы нарық ретінде қарастырады және бірлескен жобаларға инвестиция салуға дайын.
Келіссөздер барысында бірлескен жобаларды іске асыру бойынша нақты қадамдар талқыланды. Тараптар диалогты жалғастыруға және бірлескен кәсіпорындар мен технологиялық орталықтарды құру мүмкіндіктерін зерделеуге келісті.
Фото: ҚР өнеркәсіп министрлігі