Қазақстан мен Марокко арасындағы саяси консультациялардың 5-ші раунды Қазақстан Сыртқы істер министрінің орынбасары Әлібек Бақаев пен Марокко СІМ екіжақты қатынастар және өңірлік мәселелер жөніндегі бас директоры Фуад Язухтың төрағалығымен онлайн-форматта өтті. Диалог барысында тараптар Астана мен Рабат арасындағы қарым-қатынастың оң динамикасын атап өтіп, достық пен өзара тиімділік қағидаттарына негізделген ынтымақтастықты кеңейту үшін елеулі перспективаларды белгіледі.

Талқылаудың басты тақырыбы саяси диалогты күшейту және әртүрлі салалардағы: парламентаралық ынтымақтастық, сауда-экономикалық және мәдени әріптестік өзара іс-қимылды нығайту болды. Бизнес-қауымдастықтар арасындағы тікелей байланыстарды дамыту, инвестицияларды ынталандыру, сондай-ақ екіжақты саудада тауар номенклатурасын кеңейту мүмкіндігіне ерекше назар аударылды. Көлік және логистика, энергетика, ауыл шаруашылығы, минералдық ресурстар және АТ-технологияларды қоса алғанда, ынтымақтастықтың перспективалық бағыттары қозғалды.

Сондай-ақ, тараптар БҰҰ, Африка одағы және ШЫҰ сияқты платформалардағы өзара іс-қимылды қоса алғанда, өңірлік және халықаралық күн тәртібі мәселелері бойынша пікір алмасты. Консультациялардың қорытындысы екіжақты қатынастар мен ынтымақтастықты одан әрі нығайтудың негізгі бағыттарын көрсететін Хаттамаға қол қою болды.

Бұл консультациялар Қазақстан мен Марокконың ынтымақтастықты жандандыруға және халықаралық аренадағы өз ұстанымдарын нығайтуға деген ұмтылысын растайды.

Фото: ҚР СІМ