20 қарашада ҚР Экология және табиғи ресурстар министрлігінде вице-министр Нұрлан Шарбиев Моңғолия Парламентінің делегациясымен кездесіп, экологиялық заңнама, табиғатты тұрақты пайдалану және биологиялық ресурстарды ұтымды пайдалану мәселелерін талқылады.

Қазақстандық тарап экологиялық рұқсаттар мен лицензиялар беру процесін егжей-тегжейлі ұсынды. Нұрлан Шарбиев рәсімдердің ашықтығы экологиялық бұзушылықтардың алдын алуға бағытталғанын, ал халықаралық стандарттарды сақтау басты талап болып табылатынын атап өтті.

Қоршаған ортаға әсерді бағалауға қойылатын талаптарға және табиғи ресурстарды қауіпсіз пайдалану үшін инфрақұрылымның қажеттілігіне ерекше назар аударылды. Бұл шаралар жоғары экологиялық стандарттарды сақтауға ықпал етеді.

Тараптар қоршаған ортаны қорғауға бағытталған бірлескен бастамаларды қолдауға дайын екендіктерін білдіріп, халықаралық алаңдарда ынтымақтастықты жандандыруға келісті.

Фото: Экология және табиғи ресурстар министрлігі