Қазақстанның экология және табиғи ресурстар министрі Ерлан Нысанбаев Пәкістан Премьер-Министрінің үйлестірушісі Хуршид Аламмен онлайн-кездесу өткізді. Келіссөздер барысында тараптар климаттың өзгеруі саласындағы ынтымақтастықтың өзекті мәселелерін талқылады.
Қазақстандық тарап парниктік газдар шығарындыларын азайтуға бағытталған ұлттық деңгейде айқындалатын жаңа салымды (ҰДАС) әзірлеу тәжірибесімен бөлісті. Сондай-ақ экологиялық жобаларды іске асыру үшін халықаралық қаржыландыруды тарту мәселелері қаралды. Тараптар БҰҰ-ның Климаттың өзгеруі туралы негіздемелік конвенциясы тараптарының 29-шы конференциясы қарсаңында бірлескен жұмыстың маңыздылығын атап өтті.
Табиғи апаттарды болжау және алдын алу мәселелеріне ерекше назар аударылды. Қазақстан мен Пәкістан осы салада одан әрі тәжірибе алмасуға және бірлесіп жұмыс істеуге дайын екендіктерін білдірді.
Кездесу қорытындысы бойынша тараптар экология және климаттың өзгеруі саласындағы екіжақты ынтымақтастықтың маңыздылығын растады.
Фото: ҚР экология және табиғи ресурстар министрлігі