Қасым-Жомарт Тоқаевтың Белградқа ресми сапары аясында Сербия Президенті Александр Вучичпен екі ел делегацияларының қатысуымен кеңейтілген форматта келіссөздер өтті.

Қазақстан Президенті серб тарапына жылы қабылдауы және тет-а-тет форматындағы мазмұнды талқылауы үшін алғысын білдірді. Александр Вучич өз кезегінде екіжақты қатынастарды нығайту үшін сапардың стратегиялық маңыздылығын атап өтіп, экономикалық өзара іс-қимылды одан әрі тереңдету қажеттігін атап өтті.

Келіссөздер барысында сауда-экономикалық және инвестициялық ынтымақтастыққа басты назар аударылды. Президенттер тауар айналымының өсуіне қанағаттанғандықтарын білдіріп, оны одан әрі ұлғайту перспективаларын, оның ішінде өнеркәсіп, ауыл шаруашылығы, логистика, цифрландыру және басқа да салалардағы бірлескен жобаларды іске асыру арқылы талқылады.

Тараптар көлік инфрақұрылымын дамытудың маңыздылығын атап өтіп, астаналар арасында тікелей әуе рейстерін ашу мүмкіндігін қарастырды. Сондай-ақ білім, ғылым, денсаулық сақтау және туризм саласындағы бастамалар, соның ішінде жасанды интеллект сияқты озық технологияларды енгізу талқыланды.

Келіссөздер негізгі уағдаластықтарды іске асыруға және қазақ-серб серіктестігін одан әрі нығайтуға негіз болатын қол қойылған құжаттармен алмасу рәсімімен аяқталды.

Фото: Ақорданың баспасөз қызметі