9 қыркүйекте Астанада Қазақстан мен Түркия Әділет министрлерінің кездесуі өтті. Тараптар екі ел арасындағы құқықтық ынтымақтастықтың өзекті мәселелерін талқылады.

Азаматтық істер бойынша құқықтық көмек көрсету, сот шешімдерін өзара тану және орындау, сондай-ақ электрондық құжат айналымын дамыту мәселелеріне ерекше назар аударылды. Атап айтқанда, тараптар Қазақстан мен Түркия арасындағы азаматтық істер бойынша қолданыстағы шартқа өзгерістер енгізу туралы хаттаманың жобасын талқылады.

Сонымен қатар, қазақстандық тарап түркі мемлекеттерінің адвокаттар одағын одан әрі дамыту үшін бірқатар бастамалар ұсынды. Бұл түркі мемлекеттері ұйымына қатысушы елдердің заңгерлері арасындағы ынтымақтастықты нығайтуға және азаматтарға құқықтық көмектің тиімділігін арттыруға мүмкіндік береді.

Кездесу қорытындысы бойынша министрлер сындарлы диалогты жалғастыруға және өзара қызығушылық тудыратын барлық бағыттар бойынша ынтымақтастықты кеңейтуге келісті.

Фото:ҚР Әділет министрлігі