Пекин, 1 тамыз, 2025 жыл – Караван ақпарат агенттігі.Қытайға жұмыс сапары аясында ҚР Ауыл шаруашылығы вице-министрі Ермек Кенжеханұлы Қытай Халық Республикасының Ұлттық даму және реформалар комиссиясының Азық-түлік және материалдық резервтер ұлттық бюросы басшысының орынбасары Лю Сяонанмен келіссөздер жүргізді.

Тараптар Қытай нарығына қазақстандық ауыл шаруашылығы өнімдерін жеткізуді кеңейту перспективаларын талқылады.

Қытайдың Ұлттық астық сауда бюросының цифрлық сауда алаңы арқылы астықты экспорттау мүмкіндігіне ерекше назар аударылды. Келіссөздер барысында бидай, арпа, соя және өсімдік майы экспортының көлемін арттыру мәселелері талқыланды.

Кездесу қорытындысы бойынша ҚР Ауыл шаруашылығы министрлігі мен ҚХР азық-түлік және материалдық резервтер ұлттық бюросы арасында бірлескен жұмыс тобын құру туралы келісімге қол жеткізілді.

Негізгі міндеттер:

• Ағымдағы мәселелер бойынша жедел әрекеттесу.
• Процедураларды үйлестіру.
• Ауыл шаруашылығы өнімдерінің саудасындағы кедергілерді жою.

Фото:Қазақстан Республикасы Ауыл шаруашылығы министрлігі