Астана, 17 шілде 2025 жыл – Караван Инфо ақпараттық агенттігі.Қолжазбалар мен сирек кітаптар ұлттық орталығында Қытай Халық Республикасының Қазақстан Республикасындағы Төтенше және Өкілетті Елшісі Хань Чунлин мырзамен мәдениет саласындағы ынтымақтастықты кеңейтуге арналған кездесу өтті.

Кездесу барысында тараптар мұрағат және кітапхана ісі, реставрация, ғылыми зерттеулер саласындағы ынтымақтастықты тереңдетуге өзара мүдделілік танытты.

Елші Хан Чунлин Қытай мен Қазақстан ғасырлар бойы тату көршілік пен достық қарым-қатынасты сақтап келе жатқан ежелгі тарихы мен терең мәдени тамыры бар елдер екенін атап өтті. Сондай-ақ ол Қытай тарапымен қолжазбалар мен сирек кітаптар ұлттық орталығының қызметін одан әрі дамыту үшін бірлесіп жұмыс істеудің маңыздылығын атап өтті.

Іс-шарада Қазақстан Республикасы Мәдениет және ақпарат министрлігінің өкілі Қытай Халық Республикасы мен Қазақстан Республикасы Мемлекеттік мұрағаттар басқармасының 2025-2027 жылдарға арналған мұрағат ісі саласындағы ынтымақтастықты кеңейту жөніндегі бекітілген жоспарының орындалу барысы туралы баяндады.

Сапар барысында қонақтар Орталықтың қызметімен танысып, екі ел мамандарының ғылыми сапарларын ұйымдастыру және тәжірибе алмасу бойынша нақты ұсыныстарын жеткізді.

Фото: ҚР Мәдениет және ақпарат министрлігінің баспасөз қызметі