Шанхай Ынтымақтастық Ұйымының Хатшылығында ауыл шаруашылығын тұрақты дамытуға арналған дөңгелек үстел өтті. Іс-шараға ШЫҰ-ға мүше елдердің өкілдері қатысып, заманауи агроөнеркәсіптік кешеннің өзекті мәселелерін талқылады.

Қазақстан өңірдегі жетекші ауыл шаруашылығы елдерінің бірі ретінде ауыл шаруашылығына инновациялық технологияларды белсенді енгізуде. Бұл туралы ҚР ауыл шаруашылығы вице-министрі Ербол Тасжүреков мәлімдеді. Ол Қазақстан егіс алқаптарын әртараптандыруға, отандық тұқым шаруашылығын дамытуға және заманауи агроөнеркәсіптік кешендерді құруға ерекше назар аударатынын атап өтті.

Қазақстанда ауыл шаруашылығын дамытудың негізгі бағыттарының бірі климаттың өзгеруіне бейімделген отандық селекция жүйесін құру болып табылады. 2028 жылға қарай тұқымға қажеттіліктің 80% — отандық сорттармен қамтамасыз ету жоспарлануда.

Қазақстан сондай-ақ агроөнеркәсіптік кешенге шетелдік инвестицияларды белсенді тартады және өзара тиімді шарттарда бірлескен өндірістер құрады.

Фото: ҚР ауыл шаруашылығы министрлігі