2024 жылы Қазақстан Республикасы қорғаныс министрлігінің радиоэлектроника және байланыс Әскери-инженерлік институты алғаш рет «Әскери істегі журналистика және қоғаммен байланыс» жаңа мамандығына қабылдауды жариялады, деп хабарлайды kazinform агенттігі ведомствоның баспасөз қызметіне сілтеме жасап.

Осы мамандыққа түсу үшін құжаттарды тапсыру мерзімі 2024 жылғы 10 тамызға дейін жалғасады. Талапкерлерге арналған шығармашылық емтихан мотивациялық және проблемалық эссе жазудан, сондай-ақ әңгімелесуден тұрады. Арнайы пәндер бойынша оқу процесі Әл-Фараби атындағы ҚазҰУ базасында ұйымдастырылады.