Чэнду, 11 тамыз, 2025 жыл – Caravan Info ақпараттық агенттігі.Қазақстандық спортшы Жәнібек Әбу-Бәкір Чэнду қаласында өтіп жатқан XII Дүниежүзілік ойындарда джиу-джитсудан 69 келі салмақ дәрежесінде алтын медаль жеңіп алды, деп хабарлайды ҚР Спорт министрлігі.

Жәнібек Әбу-Бәкір финалда Фарид Бен Алиді жеңді (12:9). Ол топтық кезеңде Райан Проагты (50:0) және Фарид Бен Алиді (17:14) жеңсе, жартылай финалда Эрасмо Паганоны (20:4) жеңді. Бұл Қазақстан үшін Дүниежүзілік ойындар тарихындағы алғашқы алтын. Бұған дейін Галина Дуванова 2022 жылы күміс, Айжан Кукузова 2009 жылы қола жүлдегер атанған болатын.

Фото: Қазақстан Республикасы Туризм және спорт министрлігі