Астана, 2026 жылғы 13 наурыз – Karavan Info ақпараттық агенттігі. Елордада көркем гимнастикадан Alem Cup халықаралық турнирі аяқталды. Қазақстандық Ақмарал Ерекешева ересектер арасындағы көпсайыста 112,350 ұпай жинап, жеңіске жетті.

Оның отандасы Айым Мейіржанова күміс (110,300) медаль жеңіп алды, ал қола жүлдені италиялық Виола Селла (106,650) иеленді.

Жасөспірімдер арасындағы көпсайыста да қазақстандық Анна Рубцова жеңіске жетті (100,750). Линара Жайлауова екінші орын алды (98,900). Италиялық Вероника Заппатеррени үздік үштікті аяқтады (95,800).

Фото : ҚР ҰОК