АСТАНА, 22 мамыр – «Караван Инфо» АА.Шымкентте жасөспірімдер арасындағы Дэвис кубогының Азия-мұхиттық іріктеуінің топтық кезеңі аяқталды. Сергей Квак бастаған Қазақстан құрамасы Ираннан 2:1 есебімен басым түскенімен, Қытайдан да 1:2 есебімен ұтылды.

Жеребе қорытындысы бойынша қазақстандықтар ширек финалда Жапония құрамасымен кездеседі. Матч бүгін, 22 мамырда Beeline Arena ұлттық теннис орталығының корттарында өтеді.

Дэвис кубогының финалдық кезеңіне шығу үшін қазақстандық теннисшілер кем дегенде жартылай финалға шығуы керек. Жарыстың шешуші кезеңіне турнир соңында ең мықты төрт команда ғана жолдама алады.

Қалған ширек финалдық жұптар:
Австралия — Қытай
Қытайлық Тайбэй – Өзбекстан
Корея — Гонконг

Фото: FTK