18 қарашада БҰҰ Бас Ассамблеясының 79-шы сессиясы аясында Біріккен Ұлттар ұйымының ұжымдық қауіпсіздік туралы шарт ұйымымен (ҰҚШҰ) өзара іс-қимылына қатысты қаулы қабылданды.

Құжат ҰҚШҰ-ның бітімгершілік әлеуетті нығайтуға, өңірлік қауіпсіздік пен тұрақтылықты қамтамасыз етуге қосқан елеулі үлесін көрсетеді. ҰҚШҰ қызметінің негізгі бағыттарының ішінде: терроризмге, ұйымдасқан трансұлттық қылмысқа, есірткі мен қарудың заңсыз айналымына қарсы күрес, адам саудасына, тәртіпсіз көші-қонға қарсы іс-қимыл, сондай-ақ табиғи және техногендік апаттардың салдарын жою. Бұл күш-жігер БҰҰ-ның мақсаттары мен принциптерін жүзеге асыруға ықпал етеді.

Бас Ассамблея БҰҰ Бас хатшысына ҰҚШҰ Бас хатшысымен тұрақты консультацияларды жалғастыруды ұсынды. Екіжақты байланыстар және көпжақты форумдарға қатысу екі ұйымға да серіктестікті нығайтуға мүмкіндік береді.

Тараптар сондай-ақ БҰҰ-ның Жаһандық терроризмге қарсы стратегиясын дәйекті іске асыру бойынша бірлесіп жұмыс істеу ниетін растады. Жоспарларда-бейбітшілік пен тұрақтылықты сақтау саласындағы ынтымақтастықты күшейту үшін жаңа мүмкіндіктерді зерделеу.

Сонымен қатар, БҰҰ Бас Ассамблеясы өзінің 81-ші сессиясының алдын ала күн тәртібіне «Біріккен Ұлттар Ұйымы мен ұжымдық қауіпсіздік туралы Шарт Ұйымы арасындағы ынтымақтастық» деп аталатын тармақшаны аймақтық және басқа ұйымдармен өзара іс-қимыл тақырыбы шеңберінде енгізу туралы шешім қабылдады.

Фото: БҰҰ ресми сайты