Минск, 9 шілде, 2025 жыл – Karavan Info ақпараттық агенттігі.Минскіде өткен «Еуразиялық экономикалық интеграция стратегиясы: нәтижелер мен перспективалар» Еуразиялық экономикалық форум – 2025 аясында «Заманауи бәсекелестік саясаты: сын-қатерлер мен перспективалар» бәсекелестік блогы бойынша Панельдік сессия өтті. Оған ЕАЭО-ға мүше мемлекеттердің монополияға қарсы органдарының өкілдері, сондай-ақ ЮНКТАД және БРИКС халықаралық сарапшылары қатысты.

Отырыс барысында ЕАЭО елдерінің монополияға қарсы органдарының және шетелдік серіктестердің заманауи жаһандық жағдайларда бәсекелестік саясатын қолдану тәсілдері талқыланды.

Қазақстан Республикасы Бәсекелестікті қорғау және дамыту агенттігі төрағасының орынбасары Ерлан Әлжан сессияға қатысушыларды Қазақстанда негізгі тауар нарықтарын монополиясыздандыру және бәсекелестікті дамыту бойынша жүргізіліп жатқан ауқымды жұмыстардың нәтижелерімен таныстырды. Ол сондай-ақ Агенттіктің ұлттық, аймақтық және жаһандық мақсаттарға негізделген ұлттық тәжірибелерімен бөлісті.

Фото:AZRK