Өзбекстан мен Әзірбайжан 2027 жылы шағын футболдан әлем чемпионатын өткізуге бірлескен өтінім беру мүмкіндігін қарастыруда. Бұл туралы екі ел басшылары Шавкат Мирзиеев пен Ильхам Әлиевтің келіссөзінен кейін белгілі болды.

Турнирді екі елде өткізу бастамасы биылғы жылдың мамыр айында финалда Венгрия құрамасын жеңіп, өз тарихында тұңғыш рет шағын футболдан әлем чемпионы атағын жеңіп алған Әзірбайжан құрамасының тарихи табысы аясында туды.

Бірлескен өтінім Мирзиеевтің Бакуге сапары кезінде бекітілген екіжақты ынтымақтастықты тереңдетудің бір бөлігі болмақ. Еске салайық, тараптар экология, ғылым, білім, сауда, ауыл шаруашылығы және басқа да негізгі салалар бойынша бірқатар келісімдерге қол қойды.