Астана, 2026 жылғы 11 сәуір – Karavan Info ақпараттық агенттігі. Бішкекте ШЫҰ елдерінің қоршаған ортаны қорғау агенттіктері басшыларының жетінші кездесуі өтті. Іс-шараға Қазақстанның экология вице-министрі Нұрлан Құрмалаев қатысты.
Кездесу алдында делегациялар Ала-Арча табиғи саябағында ағаш отырғызып, экожүйені қалпына келтіру және тұрақты даму қағидаттарына берілгендіктерін атап өтті.
Кездесу барысында қатысушылар қоршаған ортаны қорғау саласындағы ынтымақтастықтың қазіргі жағдайы мен оны кеңейту перспективаларын талқылады. Ауа сапасын жақсарту және биоәртүрлілікті сақтау бойынша бірлескен шараларға ерекше назар аударылды.
«ШЫҰ сенімді нығайту және қазіргі заманғы сын-қатерлерге бірлесіп жауап берудің тиімді платформасы екенін дәлелдеді», — деп атап өтті Нұрлан Құрмалаев .
Қазақстан тарапы серіктестерді 2026 жылдың сәуірінде Астанада өтетін Аймақтық экологиялық саммитке қатысуға шақырды.
Кездесу қорытындысы бойынша бірлескен мәлімдеме мен хаттамаға қол қойылды, сондай-ақ аймақтық және екіжақты деңгейлерде қоршаған ортаны қорғау саласындағы ынтымақтастықты одан әрі дамыту туралы келісімдерге қол жеткізілді.
Фото: Қазақстан Республикасы Экономикалық даму және табиғи ресурстар министрлігі