23 маусымда Цюрихте Қырғыз Республикасының Швейцариядағы Елшілігі Switzerland Global Enterprise компаниясымен бірлесіп іскерлік дөңгелек үстел өткізді.Бұл туралы Қырғыз Республикасы Сыртқы істер министрлігінің баспасөз қызметі хабарлады.

Іс-шараға 40-тан астам швейцариялық компаниялардың өкілдері, сондай-ақ Қырғыз Республикасынан Экономика және сауда министрінің орынбасары С.Болотов бастаған делегация қатысты.

Шара барысында делегация басшысы С.Болотов, Қырғыз Республикасы Көлік және коммуникация министрінің орынбасары А.Тұрғынбаев, Қырғыз Республикасы Денсаулық сақтау министрлігінің өкілі А.Турдалиева, «Kyrgyzelektronics» компаниясы, сондай-ақ швейцариялық Schwihag AG және SICPA SA компанияларының баяндамалары тыңдалды.

Дөңгелек үстел 9 жылдық үзілістен кейін 2025 жылғы 24 маусымда Берн қаласында өткен Қырғыз-Швейцария бірлескен үкіметаралық комиссиясының 5-ші отырысына орайластырылды.