Қазақстан Парламенті Мәжілісінің төрағасы Ерлан Қошанов делегацияның басында Түркия Ұлы Ұлттық Мәжілісінің Төрағасы Нуман Куртулмуштың шақыруымен Түркияға ресми сапармен барды.

Анкарада тараптар стратегиялық әріптестік пен парламентаралық байланыстарды дамыту мәселелерін талқылады. Ерлан Қошанов әріптесін Түркия парламентінің 105 жылдығымен құттықтап, екі ел арасындағы берік тарихи байланыстарға тоқталды.

Әңгіменің басты тақырыбы заң шығару саласындағы ынтымақтастықты кеңейту болды. Сондай-ақ маусым айында Астанада Қазақстанның төрағалығымен отырысы өтетін Түркі мемлекеттерінің Парламенттік Ассамблеясы аясындағы ынтымақтастық мәселелері талқыланды.

Делегация Аниткабир мемориалдық кешенінде болып, Мұстафа Кемал Ататүрікке құрмет көрсетті.

Фото: Ашық дереккөздер