Астана, 2026 жылғы 5 наурыз – Karavan Info ақпараттық агенттігі . Біріккен Ұлттар Ұйымының Азық-түлік және ауыл шаруашылығы ұйымы (ФАО) Қазақстан Ауыл шаруашылығы министрлігімен бірлесіп, сүт шаруашылығын дамытудың ұзақ мерзімді бағдарламасын әзірлеуді қолдауға бағытталған TCP/KAZ/4001 жобасының нәтижелерін талқылау бойынша семинар өткізді.
Жоба сүт секторының бәсекеге қабілеттілігін, өнімділігін және инвестициялық тартымдылығын арттыру, оның дамуын халықаралық тәжірибелермен және ұлттық басымдықтармен үйлестіру мақсатында ФАО-ның техникалық қолдауымен жүзеге асырылды.
Қатысушыларға сүт секторының және оның өндірісі мен жеткізілім тізбегінің ағымдағы жағдайын кешенді бағалау нәтижелері, сүт шаруашылығын дамытудың ұзақ мерзімді бағдарламасының жобасы, оны іске асыру жөніндегі іс-шаралар жоспары және инвестицияларды тарту бойынша жол картасы ұсынылды.
Талқылаулар тұрақты өсу, сүт өндірісін жаңғырту және тиімділігін арттыру, өндіріс пен құндылықтар тізбегін нығайту, сондай-ақ инвестициялар үшін жағдайлар жасау бойынша басым шараларға бағытталды.
Ауыл шаруашылығы министрлігінің мал шаруашылығы департаменті директорының орынбасары Қайрат Көшенов бағдарламаны әзірлеу азық-түлік қауіпсіздігін нығайту және мал шаруашылығы өнімдерінің бәсекеге қабілеттілігін арттыру жолындағы маңызды қадам екенін атап өтті. Ауыл шаруашылығы министрлігі ФАО-ның техникалық қолдауын жоғары бағалайды.
Фото: Қазақстан Республикасы Ауыл шаруашылығы министрлігі