Гаага, 2026 жылғы 26 ақпан – Karavan Info ақпараттық агенттігі . Қазақстанның Нидерландыдағы Елшісі және Химиялық қаруға тыйым салу ұйымының (ХҚТҰ) Тұрақты өкілі Ақан Рахметуллин ХҚТҰ Бас директоры Фернандо Ариасқа сенім грамоталарын тапсырды. Салтанатты рәсім ұйымның Гаагадағы штаб-пәтерінде өтті.

Кездесу барысында тараптар Қазақстан мен Химиялық қаруға тыйым салу ұйымы арасындағы ынтымақтастықтың қазіргі жағдайы мен болашағын талқылады.

Қазақстандық дипломат Қазақстанның халықаралық қауіпсіздікті нығайтуға, көпжақты ынтымақтастықты дамытуға және ұйымның жаһандық қиындықтарды, ең алдымен химиялық қаруға тыйым салу саласындағы рөлін арттыруға деген міндеттемесін растады.

Фото : Қазақстан Республикасы Сыртқы істер министрлігі